Drummle und Pfyffe

Die Syte vo dr Homepage lääse wohrschynlig vor allem Basler, ob us dr Stadt oder vo dr Landschaft, isch wurscht. Wäge däm schryb y do uff Baseldytsch.

Vyl Lüt – Erwaggseni und Kinder – wänn drummle oder pfyffe lehre, oder si wurde’s gärn besser könne. In ere Clique sin si aber us verschiidene Gründ nit.

Y gib Privatunterricht für Drummler und Pfyffer, für Aafänger, Fortgschritteni und Könner, wo sehr motivierend isch.
Au Grubbenunterricht gib y gärn.

E Spezialität isch die spezifischi Vorbereitig uff s Brysdrummle und –pfyffe oder uff anderi Wettkämpf.
Y bi sälber johrelang uff beide Inschtrumänt e begeischterete Fasnachtsmusig-Wettkämpfer gsi, nochhär bin y 16 Johr lang in dr Jury vom Offizielle gsässe. Es könnt also sy, dass y weiss, vo was y schwätz. :-)